İngiltərə çempionatı: "Arsenal" "Liverpul"la heç-heçə edib

Futbol üzrə İngiltərə çempionatının IX turunda Londonun “Arsenal” klubu “Liverpul”la heç-heçə (2:2) edib.

"Report"un məlumatına görə, görüş Londonda baş tutub.

"Arsenal"ın qollarını Bukayo Saka (9-cu dəqiqə) və Mikel Merino (43) vurub. "Liverpul"un heyətində Vircil van Deyk (18) və Məhəmməd Salah (81) fərqlənib.

"Arsenal" 18 xalla turnir cədvəlinin 3-cü pilləsində qərarlaşıb. “Liverpul” 22 xalla 2-ci pillədə qərarlaşıb. Çempionatın lideri “Mançester Siti”nin hesabında 23 xal var.

“Arsenal” növbəti turda səfərdə “Nyukasl”la qarşılaşacaq. “Liverpul” isə “Brayton”u qəbul edəcək. Qarşılaşmalar noyabrın 2-də baş tutacaq.