İdman ictimaiyyəti Hərbi Qənimətlər Parkında olub

İdman ictimaiyyəti Hərbi Qənimətlər Parkında olub Baş İdarənin rəisi idman ictimaiyyətinin də Vətən müharibəsində şəhidlər verdiyini xatırladıb
Futbol
182
20 Aprel , 2021 16:46
İdman ictimaiyyəti Hərbi Qənimətlər Parkında olub

Bakı şəhər Gənclər və İdman Baş İdarəsinin təşkilatçılığı ilə idman ictimaiyyətinin bir qrup nümayəndəsi, idmançılar və könüllülərdən ibarət heyət Hərbi Qənimətlər Parkında olub.

Baş İdarənin rəisi Raqif Abbasovun "Report"a verdiyi məlumata görə, ziyarət Gənclər və İdman Nazirliyinin tövsiyəsi əsasında gerçəkləşib.

R.Abbasovun sözlərinə görə, pandemiya ilə əlaqədar ziyarətçilər məhdud sayda olub. O, idman ictimaiyyətinin digər nümayəndələrinin də müxtəlif vaxtlarda Parkı mərhələli şəkildə ziyarət edəcəklərini söyləyib: "Əsas məqsəd ondan ibarətdir ki, rəşadətli Azərbaycan Ordusu, onun göstərdiyi qəhrəmanlıqlar, Prezident, Ali Baş Komandan İlham Əliyevin hərbi strategiyası və tapşırıqları əsasında əldə olunan uğurlar haqqında gənc idmançılar və idman ictimaiyyəti məlumat əldə etsin".

Baş İdarənin rəisi idman ictimaiyyətinin də Vətən müharibəsində şəhidlər verdiyini xatırladıb: "İdman ictimaiyyəti Vətənin müdafiəsinə və müstəqilliyin qorunması üçün Prezidentin ətrafında sıx birləşməyə bundan sonra da hazır olduğunu bildirib. Onlar burada gördüklərini ölkə xaricindəki idman yarışlarında və müxtəlif sosial şəbəkələrdə təbliğ edəcəklər".

Son xəbərlər

Orphus sistemi