İbrahimoviç yenidən İsveç yığmasında oynaya bilər

İtaliyanın "Milan" klubunun futbolçusu Zlatan İbrahimoviç yenidən İsveç millisində çıxış edə bilər.

"Report" xəbər verir ki, 39 yaşlı hücumçu bu barədə tvitterdə paylaşım edərək, yığmaya dönəcəyinə eyham vurub.

Təcrübəli forvard milli komanda forması ilə fotosunu paylaşı və "Uzun müddətdir görüşmürük" yazıb.

Qeyd edək ki, Zlatan İbrahimoviç 2016-cı ildə Fransada keçirilmiş Avropa çempionatından sonra millidəki karyerasını bitirib. Hücumçu cari mövsüm İtaliya A Seriyasında 4 oyunda meydana çıxıb, 7 qol və 1 məhsuldar ötürmə ilə yadda qalıb.