İspaniya klublarının məşqlərə başlayacağı tarix açıqlandı

İspaniyada futbol klubları mayın 4-dən etibarən məşqləri bərpa edə biləcəklər.

"Report"un "Marca" nəşrinə istinadən məlumatına görə, bunu ölkənin baş naziri Pedro Sançes Nazirlər Şurasının bugünkü iclasından sonra deyib.

Hökumət rəsmisi bildirib ki, komandalar öz bazalarında hazırlığa başlayacaqlar.

Qeyd edək ki, İspaniyada yerli liqalar martın 12-də koronavirus pandemiyasına görə dayandırılıb.