​"İnter"in futbolçusu zədə üzündən Azərbaycana qarşı oyunu buraxacaq

Bakı. 6 oktyabr. REPORT.AZ/ "Milan"ın müdafiəçisi Luka Antonelli futbol üzrə İtaliya yığma komandasında Davide Santonu əvəz edəcək.

"Report" xəbər verir ki, bu barədə "skuadra adzurra"nın saytında məlumat verilib.

Məlumata görə, "İnter"in futbolçusu İtaliya "A" Seriyasının 7-ci turunda "Sampdoriya" ilə keçirilən oyunda (1:4) zədələnərək matçı sonadək davam etdirə bilməyib.

Qeyd edək ki, İtaliya Avro-2016-nın təsnifat mərhələsi çərçivəsində oktyabrın 10-da Bakıda Azərbaycan millisinin qonağı olacaq.

Antonelli cari mövsümdə "Milan"ın dörd oyununda çıxış edib və bir məhsuldar ötürmə ilə yadda qalıb.