İngiltərədə stadiona gələn azarkeş sayına görə rekord müəyyən edilib

Bakı. 1 fevral. REPORT.AZ/ Futbol üzrə İngiltərə Premyer Liqasının 25-ci turunda Londonun "Uembli" stadionunda keçirilən "Tottenhem Hotspur" və "Mançester Yunayted" tribunalara 81 min 978 azarkeş toplayıb.

“Report” xəbər verir ki, bu göstərici 1992-ci ildə yaradılmış Premyer Liqa tarixində rekord göstərici hesab edilib.

Əvvəlki rekord da "Tottenhem"in Britaniyanın əsas arenasındakı ev oyununda qeydə alınıb. Ötən ilin oktyabrında 7-ci turun "Liverpul" ilə keçirilən matçını (4:1) 80 min 827 azarkeş canlı izləyib.

Oyuna gəldikdə isə, ev sahibləri 2:0 hesabı ilə qələbə qazanıblar.