HƏMAS yaraqlıları israilli futbolçunu qətlə yetirib

İsraildə Fələstinin HƏMAS yaraqlıları sabiq futbolçu Lior Assulini qətlə yetiriblər.

“Report” xəbər verir ki, bu barədə Təl-Əvivin “Hapoel” klubu sosial şəbəkədə məlumat yayıb.

Bildirilib ki, 43 yaşlı idmançının meyiti Reim kibutsunun (kommuna) yanında aşkarlanıb.

Qeyd edək ki, “Hapoel”dən başqa israilli futbolçu ölkəsinin “Makkabi” (Hertsliya), “Beytar”, Bney Şahnin” və “Bney Yehuda”, həmçinin Kiprin “Apollon” komandalarında çıxış edib. Eyni zamanda, o, 2004-cü ildə Moskva “Spartak”ının maraq dairəsində olub.