Gəncə Futbol Akademiyası açılışa hazırdır

“Akademiya açılışa tam hazırdır, işlər yekunlaşıb”.

Bunu “Report”a açıqlamasında “Kəpəz”in İdarə Heyətinin sədri İlqar Nadiri Gəncə Futbol Akademiyasındakı son durumla bağlı danışarkən deyib.

Klub rəsmisi akademiyanın istifadəyə hazır olduğunu bildirib: “Tikinti tamamlanandan sonra AFFA rəhbərliyi dəfələrlə bura gələrək, görülən işlərlə tanış olub. AFFA prezidenti Rövnəq Abdullayev də bu yaxınlarda akademiyanın son durumunu yerində görüb. Yalnız qazın istifadəyə verilməsi prosesi qalıb. Bu da yekunlaşdıqdan sonra açılışın vaxtı müəyyənləşəcək”.

Qeyd edək ki, Gəncədə Futbol Akademiyası AFFA-nın dəstəyi ilə inşa edilib.