İtaliya klublarının futbolçuları maaşlarının azaldılmasına razılıq verdi

İtaliya A Seriyası klubları koronavirus pandemiyasının ağır nəticələrini aradan qaldırmaq üçün baş məşqçilər və futbolçularla maaşların azaldılması barəsində razılığa gəlib.

"Report" yerli federasiyanın rəsmi saytına istinadən xəbər verir ki, çempionat davam etdiriləcəyi halda, onların məvacibi 17 faiz azaldılacaq.

Mövsüm ləğv olunacağı təqdirdə isə məşqçilər və oyunçular maaşlarının 33 faizindən imtina edəcəklər.