Futbol matçında faciə: Tribuna çöküb, 200-ə yaxın azarkeş xəsarət alıb

Hindistanın Kerala ştatında futbol matçı zamanı quraşdırılmış müvəqqəti tribuna uçub.

"Report"un ANI agentliyinə istinadən məlumatına görə, oyunun start fitindən öncə baş vermiş hadisə nəticəsində azı 200 nəfər xəsarət alıb. Onlardan 5-nin vəziyyəti ağırdır.

Tribu ilə yanaşı, işıqlandırma dirəyi də çöküb. Qarşı tribunalardakı azarkeşlər xəsarət alan insanların köməyinə qaçıb.

Qeyd edək ki, görüş Punqod şəhərində keçirilməli idi. Kerala ştatında futbol populyar olduğundan, xeyli sayda fanat matçı izləmək istəyib.