"Frayburq" "Anderlext"in hücumçusu Keysuke Qotonu transfer edib

Almaniyanın "Frayburq" klubu "Anderlext"in (Belçika) hücumçusu Keysuke Qotonu heyətinə qatıb.

"Report" Frayburq təmsilçisinin mətbuat xidmətinə istinadən xəbər verir ki, 21 yaşlı yaponiyalı futbolçunun müqaviləsinin müddəti açıqlanmayıb.

"Transfermarkt" portalı keçidin dəyərini 10 milyon avro qiymətləndirib.

Qeyd edək ki, K.Qoto 2025/2026 mövsümündə icarə əsasında "Sent-Trüden"in heyətində çıxış edib. O, meydana çıxdığı 40 oyunda 13 qol vurub və 8 məhsuldar ötürmə edib.

Hücumçu Yaponiya millisinin heyətində 4 oyun keçirib və DÇ-2026-da iştirak üçün yığmanın heyətinə daxil edilib.