Fransa millisinin futbolçusu "Mançester Yunayted"ə keçə bilər

Fransa millisinin və "Monako" klubunun futbolçusu Vissam Ben-Yedder karyerasını İngiltərədə davam etdirə bilər.

"Report" ESPN nəşrinə istinadən xəbər verir ki, 30 yaşlı hücumçu ilə "Mançester Yunayted" maraqlanır.

"Monako"nun maddi problemlər ucbatından fransalı forvardı satmaq ehtimalı yüksəkdir.

Qeyd edək ki, Vissam Ben-Yedderin klubu ilə müqaviləsi 2024-cü ilə qədər nəzərdə tutulub. O, cari mövsüm Fransa çempionatında 11 turdan sonra 6 qol və bir məhsuldar ötürmə ilə yadda qalıb.