Fransa klubunu "Qarabağ"la oyunda 150-yə yaxın azarkeş dəstəkləyəcək

Fransanın "Lion" klubunu Bakıda "Qarabağ"a qarşı keçirəcəkləri UEFA Avropa Liqası matçında 150-yə yaxın azarkeş dəstəkləyəcək.

Bu barədə "Report"a Azərbaycan təmsilçisinin mətbuat xidmətinin rəhbəri Anar Hacıyev məlumat verib.

O, qonaq komandanın 120-150 fanatının tribunada yer alacağını bildirib.

Qeyd edək ki, noyabrın 28-də Tofiq Bəhramov adına Respublika stadionunda təşkil ediləcək "Qarabağ" - "Lion" görüşü saat 21:45-də start götürəcək.