"Formula 1": 4 qat dünya çempionu ilə yeni müqavilə imzalanıb

"Formula 1" üzrə dünya çempionatında çıxış edən "Aston Martin" komandası pilotları Sebastyan Fettel və Lens Stroll ilə müqavilənin müddətini uzadıb.

"Report" yarışın rəsmi saytına istinadən xəbər verir ki, hər iki sürücü 2022-ci ildə də komandanın şərəfini qoruyacaq.

34 yaşlı Fettel 2007-ci ildən "Formula 1"də çıxış edir. Almaniyalı pilot "Red Bull"un heyətində 4 dəfə çempion olub və bu ildən "Aston Martin"də çıxış edir.

"Formula 1"də 2017-ci ildə debüt edən Stroll isə 2019-cu ildən bu komandadadır.