İtaliyanın "Fiorentina" komandasının futbolçusu Duşan Vlahoviç "Yuventus"a keçib.
"Report"un məlumatına görə, serbiyalı hücumçu tibbi müayinədən sonra uzunmüddətli müqaviləyə imza atıb.
Onun transferi Turin klubuna 75 milyon avroya başa gəlib. 22 yaşlı forvard ilinə 7 milyon avro qazanacaq.
Qeyd edək ki, Duşan Vlahoviç "Fiorentina"ya 2018-ci ildə Serbiya "Partizan"ından keçib. İstedadlı forvard bu mövsüm İtaliya A Seriyasında 21 oyuna 17 qol vurub və 4 məhsuldar ötürmə verib.