Finlandiya və İsveç yığmaları AVRO-2020-yə vəsiqə qazanıb - YENİLƏNİB

Finlandiya və İsveç yığmaları AVRO-2020-yə vəsiqə qazanıb - YENİLƏNİB Futbol üzrə 2020-ci il Avropa çempionatının seçmə mərhələsində IX turun növbəti oyunları başa çatıb.
Futbol
401
16 Noyabr , 2019 01:47
Finlandiya və İsveç yığmaları AVRO-2020-yə vəsiqə qazanıb - YENİLƏNİB

Futbol üzrə 2020-ci il Avropa çempionatının seçmə mərhələsində IX turun növbəti oyunları başa çatıb.

"Report"un məlumatına görə, turun ikinci oyun günündə 3 qrupda 8 görüş keçiriləcək. D qrupunda Danimarka Cəbəllütariqi 5:0 hesabı ilə yensə də, İsveçrə Gürcüstana minimal hesabla qalib gəlib. Lakin bu qələbələrdən sonra da onlar mərhələni təmin edə bilməyiblər. Qrupda ilk 2 pillənin sahibi son turun görüşlərindən sonra müəyyənləşəcək. 

F qrupunda 3 qarşılaşma keçirilib. Mərhələni öncədən təmin etmiş İspaniya heç bir iddiası olmayan Maltanın qapısından 7 top keçirib. Norveç Farar adalarına 4:0 hesabı ilə qalib gəlsə də qrupda qalıb. Əvəzində səfərdə Rumıniyaya qalib gələn İsveç yığması qrup ikincisi kimi AVRO-2020-yə yüksəlib. Rumıniya və Norveç isə ümidini Millətlər Liqasından vəsiqəyə bağlayıb.

J qrupunda İtaliya Bosniya və Herseqovinanı səfərdə darmadağın edərək, qrupdakı 9-cu matçından da qalib ayrılıb. Bu qrupdan digər vəsiqəyə tarixində ilk dəfə Finlandiya sahib çıxıb. Skandinaviya təmsilçisi Lixtenşteynə 3:0 hesabı ilə qalib gələrək qrup ikincisi olub. Ermənistan isə öz meydanında Yunanıstana uduzub.

AVRO-2020

Seçmə mərhələ, IX tur

15 noyabr

D qrupu

23:45. Danimarka - Cəbəllütariq - 6:0

Qollar: Robert Skov, 12; 64. Kristian Qütkyor, 47. Martin Breytueyt, 51. Kristian Eriksen, 85; 90+4

23:45. İsveçrə - Gürcüstan - 1:0

Qol: Sedrik İtten, 77

Xal durumu: Danimarka - 15 (7), İsveçrə - 14 (7), İrlandiya – 12 xal (7 oyuna), Gürcüstan – 8 (8), Cəbəllütariq – 0 (7).

F qrupu

21:00. Norveç - Farer Adaları - 4:0

Qollar: Tore Reginiussen, 4. İver Fossum, 8. Aleksander Sörlot, 62; 65

23:45. Rumıniya - İsveç - 0:2

Qollar: Markus Berq, 18. Robin Kvayson, 34

23:45. İspaniya - Malta - 7:0

Qollar: Alvaro Morata, 23. Santi Kasorla, 41. Pau Torres, 62. Pablo Sarabia, 63. Dani Olmo, 69. Jerar Moreno, 71. Xesus Navas, 85

Xal durumu: İspaniya – 23 xal (9 oyuna), İsveç - 18 (9), Rumıniya – 14 (9), Norveç - 14 (9), Farer adaları - 3 (9), Malta - 3 (9).

J qrupu

21:00. Ermənistan - Yunanıstan - 0:1

Qol: Dimitris Limnios, 35

21:00. Finlandiya - Lixtenşteyn - 3:0

Qollar: Yasse Tuominen, 21. Teemu Pukki, 64 (pen.); 75

23:45. Bosniya və Herseqovina - İtaliya - 0:3

Qollar: Françesko Açerbi, 21. Lorentso İnsinye, 37. Andrea Belotti, 53

Xal durumu: İtaliya – 27 (9 oyuna), Finlandiya – 18 (9), Yunanıstan – 11 (9), Ermənistan - 10 (9), Bosniya və Herseqovina – 10 (9), Lixtenşteyn –2 (9).


***23:03

Finlandiya milli komandası tarixində ilk dəfə AVRO-2020-nin final mərhələsinə vəsiqə qazanıb.

"Report"un məlumatına görə, skandinaviyalılar buna seçmə mərhələdə J qrupunun IX tur matçında Lixtenşteyni evdə 3:0 hesabı ilə yenərək nail olublar. Hesabı 21-ci dəqiqədə Yasse Tuominen açıb. Teemu Pukki 64-cü dəqiqədə penalti ilə və 75-ci dəqiqədə fərqlənərək, yekun nəticəni müəyyənləşdirib.

Bu qələbə sayəsində xallarını 18-ə çatdıran Markki Kanervanın baş məşqçi olduğu kollektiv 2-ci pillədəki yerini qoruyub. Bununla da Finlandiya qrupdan çıxan 11-ci ölkə olub.

Qeyd edək ki, daha əvvəl İngiltərə, Çexiya, Ukrayna, Türkiyə, Fransa, Belçika, İtaliya, Polşa, Rusiya və İspaniya yığmaları da final mərhələsinə yüksəlib.

Son xəbərlər

Orphus sistemi