FIFA prezidenti: "Təqvimdə həddindən artıq faydasız oyun var"

"Beynəlxalq təqvimdəki mövcud vəziyyət hədlərə çatdığımızı göstərir".

"Report"un məlumatına görə, bu fikirləri FIFA prezidenti Canni İnfantino sıx qrafiklə bağlı "Sky Sports" nəşrinə açıqlamasında deyib.

51 yaşlı funksioner bildirib ki, koronavirus pandemiyasının səbəb olduğu vəziyyətə görə oyunçuların dünyanı gəzməsi çox çətindir: "Bütün bunlar idmançıların sağlamlığına mənfi təsir göstərir. Təqvimdə həddindən artıq faydasız oyun var. Nə edəcəyimizi müəyyənləşdirməli və hər kəsin anlaya biləcəyi bir sistem tapmalıyıq".