FİFA-nın büdcəsi 2022-ci ilə qədər 6,56 milyard dollara çatacaq

Bakı. 13 iyun. REPORT.AZ/ 2022-ci ilədək FİFA-nın büdcəsi 6,56 milyard dollara çatacaq.  

"Report"un məlumatına görə, 2019 - 2022-ci illər üçün büdcə layihəsi Rusiyanın paytaxtı Moskvada keçirilən Konqresdə təsdiqlənib.  

Bildirilib ki, planlaşdırılan büdcənin yerinə yetirilməsi mövcud müqavilələr hesabına 70 faiz təmin olunub. Təşkilat əsas gəlirləri televiziya və marketinq hüquqlarının satışından əldə edəcək. 

2015 - 2018-ci il büdcəsi 5.5 milyard dollar olmalı idi. Lakin bu göstərici 10 faiz artaraq, 6.1 milyard dollar olub.