Fernando Muslera Terimə görə "Qalatasaray"dan gedir

Fernando Muslera Terimə görə "Qalatasaray"dan gedir 68 yaşlı mütəxəssis matçın ardından futbolçularla vidalaşıb
Futbol
180
18 May , 2021 10:09
Fernando Muslera Terimə görə Qalatasaraydan gedir
Fernando Muslera və Fatih Terim

Türkiyə "Qalatasaray"ının qapıçısı Fernando Muslera klubdan ayrıla bilər.

"Report" "Fotomaç"a istinadən xəbər verir ki, 36 yaşlı qolkiper Superliqanın XLII turunda "Yeni Malatyaspor"a 3:1 hesabı ilə qalib gəldikləri oyundan sonra baş məşqçi Fatih Terimə müraciət edib.

68 yaşlı mütəxəssis matçın ardından futbolçularla vidalaşdığı vaxt uruqvaylı oyunçu təcrübəli mütəxəssisə "Sən olmasan, mən də olmayacağam" deyib.

Muslera növbəti günlərdə tərcüməçi vasitəsilə Fatih Terimlə yenidən əlaqə saxlayıb və klubdan ayrılmaq qərarının ciddi olub-olmadığını soruşub. Təcrübəli qolkiper Terimə onunla birlikdə işləmək üçün müqaviləsini yenilədiyini söyləyib. Qapıçı baş məşqçiyə "Klubdan ayrılacaqsınızsa, menecerimlə danışaraq, yeni klub tapmasını istəyəcəyəm" deyib.

Qeyd edək ki, "Qalatasaray" çempionatın sonunda "Beşiktaş" qədər - 84 xal toplasa da, top fərqinə görə çempionluğu əldə verib. Musleranın "sarı-qırmızılar"la müqaviləsi 2024-cü ilədək artırılıb. Fatih Terim isə komandadakı taleyi bəlli deyil.

Son xəbərlər

Orphus sistemi