"Fənərbağça"nın sabiq baş məşqçisi İran klubunu çalışdıracaq

Türkiyənin "Fənərbağça" klubunun sabiq baş məşqçisi İsmail Kartal İran təmsilçisi "Persepolis"i çalışdıracaq.

"Report" xəbər verir ki, bu barədə asiyalıların mətbuat xidməti məlumat yayıb.

Müqavilənin detalları açıqlanmayıb.

63 yaşlı mütəxəssis karyerasında ilk dəfə Türkiyədən kənarda çalışacaq.

Qeyd edək ki, "Persepolis" kollektivi İran çempionatında 30 xalla dördüncü sırada yer alıb.