Ernest Coka: "Sumqayıt"a avrokubok təcrübəsi çatışmadı"

"Biz rəqibimizi yaxşı analiz etdik və məqsədimizə çatdıq. Qalib gələrək, mərhələ adladıq". 

"Report"un məlumatına görə, bunu Şimali Makedoniya "Şkendiya"sının baş məşqçisi Ernest Coka "Sumqayıt"a 2:0 hesabı ilə qalib gəldikləri UEFA Avropa Liqasının I təsnifat mərhələsinin oyunundan sonra mətbuat konfransında deyib.

50 yaşlı mütəxəssis bildirib ki, Azərbaycan təmsilçisinin hücum xəttini düzgün analiz ediblər: "Məhz bu məqam qələbədə əsas rol oynadı. Rəqibimiz yaxşı komandadır, yaxşı heyəti var. 10 və 18 nömrəli futbolçuları fərqləndirərdim. Çatışmayan məqam Avropa Liqası təcrübəsidir".