Emil Balayevin Qazaxıstan klubundakı maaşı məlum oldu

Azərbaycan millisinin qapıçısı Emil Balayev Qazaxıstan "Tobol"unda illik 200 min dollar maaş alıb.

"Report"un məlumatına görə, bu barədə Polşa mətbuatının hazırladığı yazıda bildirilir. Qeyd edilir ki, 26 yaşlı qolkiper ayda 17 min dollar qazanıb. Bu isə Polşanın yalnız imkanlı klubları üçün əlçatan məbləğdir.

Qeyd edək ki, Emil Balayev "Tobolda 2019-cu ildə çıxış edib. Daha 1 il müqaviləsi qüvvədə olsa da, erməni Qriqori Babayanın baş məşqçi postuna gəlişindən sonra Balayev Kostanay təmsilçisi ilə sözləşməsini pozaraq azad agent statusu alıb.