Elxan Məmmədov FIFA-da yeni vəzifəyə təyin olunub

FIFA-nın Avropa Milli Assosiasiyaları Departamentinin direktoru Elxan Məmmədov yeni vəzifəyə təyin olunub.

“Report” qurumun mətbuat xidmətinə istinadən xəbər verir ki, o, FIFA-da Üzv Assosiasiyaların direktoru vəzifəsinə təyin edilib.

E.Məmmədovun müavini isə İsveçrə millisinin sabiq yarımmüdafiəçisi Jelson Fernandeş olub.

Azərbaycanlı funksioner noyabrın 1-dən etibarən yeni vəzifəsinin icrasına başlayacaq.

Qeyd edək ki, Elxan Məmmədov 2007-2022-ci illər aralığında AFFA-nın baş katibi və icraçı vitse-prezidenti postunda çalışıb.