Dünya çempionatı: Azərbaycanın minifutbol üzrə U-23 millisi yarımfinal matçına çıxacaq

Bu gün Azərbaycanın minifutbol üzrə U-23 millisi Xorvatiyanın Malıy Loşin şəhərində təşkil olunan dünya çempionatında növbəti oyununu keçirəcək.

"Report" xəbər verir ki, yığma yarımfinalda Çexiya ilə üz-üzə gələcək.

Qarşılaşma Bakı vaxtı ilə saat 11:30-da start götürəcək.

Azərbaycan millisi daha əvvəl qrupda Çexiyaya 0:2 hesabı ilə uduzub. Rəcəb Fərəczadənin rəhbərlik etdiyi kollektiv 1/4 finalda İngiltərədən (3:0) güclü olub. Yığma qrupda Hindistan seçməsini 16 cavabsız qolla üstələsə də, Serbiyaya uduzub - 1:5.