Dopinq cəzası alan məşhur qapıçıya yeni müqavilə təklif edildi

Niderlandın "Ayaks" klubu dopinqə görə bir illik cəza alan qapıçısı Andre Onanaya yeni müqavilə təklif edib.

"Report" "De Telegraaf"a istinadən xəbər verir ki, Amsterdam təmsilçisi 25 yaşlı kamerunlu qolkiperin sözləşməsini 2024-cü ilin iyulunadək uzatmaq niyyətindədir.

Onananın hazırkı müqaviləsi 2022-ci ilin yayında başa çatacaq.

Qeyd edək ki, fevralın 5-də Andre Onananın qanında qadağan olunmuş furosemid maddəsi aşkarlanıb və o, 12 aylıq diskvalifikasiya olunub.