Dmitri Nazarov Almaniya klubundan ayrılacağını istisna etməyib

"Gələcəyimlə bağlı hələlik heç kiminlə danışmamışam".

"Report" "Tag24" nəşrinə istinadən xəbər verir ki, bunu Azərbaycan millisinin futbolçusu Dmitri Nazarov Almaniyanın "Ertsgebirge" klubundan ayrılma ehtimalına münasibət bildirərkən deyib.

32 yaşlı hücumçu bu məsələ barədə ailəsi ilə də məsləhətləşəcəyini söyləyib: "Çox nikbin insanam, həmişə ayağa qalxacağıma inanmışam. Gələcəkdə nəyin mümkün olacağına baxacağıq. Əlbəttə, "Ertsgebirge" rəhbərliyi ilə də danışacağam".

Nazarov Aue təmsilçisi III Bundesliqaya düşəcəyi təqdirdə, klubdan ayrıla bilər. Təcrübəli oyunçunun 2023-cü ilin yayınadək müqaviləsi olsa da, sözləşmədəki bənd onun azad agent statusu almasına yardımçı olacaq.

Qeyd edək ki, "Ertsgebirge" 29 oyundan sonra 19 xalla sonuncu - 18-ci pillədə qərarlaşıb. Komanda sona 5 tur qalmış 16-cı sıradakı "Zandhauzen"dən 15 xal, hazırda 16-cı olan və pley-offda iştiraka ən real namizəd sayılan "Dinamo" (Drezdən) klubundan 9 xal geridədir. Nazarov 2016-cı ildən "Ertsgebirge"də çıxış edir.