DÇ-2022: Argentina heç-heçə edib, Braziliya qələbə qazanıb

Argentina millisi 2022-ci dünya çempionatının seçmə mərhələsinin XI turunda Paraqvayın qonağı olub.

"Report"un məlumatına görə, qarşılaşma qolsuz bərabərliklə yekunlaşıb.

Argentinalı ulduz futbolçu Lionel Messi oyuna start heyətdə başlayıb və sonadək meydanda olub.

Bu nəticədən sonra ikiqat dünya çempionu 19 xalla ikinci, meydan sahibləri isə 12 xalla altıncı pillədə qərarlaşıb.

Günün digər görüşündə Braziliya Venesuela ilə üz-üzə gəlib. "Sambaçılar" səfərdə rəqibini 3:1 hesabı ilə üstələyib. Keçirdiyi 9 oyunun hamısında qələbə qazanan 5 qat dünya çempionu 27 xalla liderdir. Venesuela isə 4 xalla sonuncu - 10-cu sırada yer alıb.