Danimarka millisinin baş məşqçisi: Son illərdə böyük komandalardan biri olduğumuzu göstərdik

Son illərdə böyük komandalardan biri olduğumuzu göstərdik.

"Report" xəbər verir ki, bunu Danimarka millisinin baş məşqçisi Kasper Yulmann Almaniyaya qarşı AVRO-2024-ün 1/8 final mərhələsinin oyunundan sonra mətbuat konfransında deyib.

Mütəxəssis Bundestimlə görüşdə məğlubiyyətin səbəbləri barədə danışıb:

"Son illərdə böyük komandalardan biri olduğumuzu göstərdik. Lakin çatışmayan cəhətlərimiz var. Daha çox qol imkanları yaratmalıyıq və əlimizə düşən fürsətləri boşa verməməliyik. Düşünürəm ki, daha dəqiq oynasaydıq, məğlub olmazdıq".

Qeyd edək ki, Almaniyada keçirilən Avropa çempionatının 1/8 final mərhələsində meydan sahiblərinə 0:2 hesabı ilə məğlub olan Danimarka turnirlə vidalaşıb.