Daniel Alves 14 aydan sonra həbsxanadan çıxıb

Braziliya millisinin və İspaniyanın "Barselona" klubunun sabiq futbolçusu Daniel Alves 14 aydan sonra həbsxanadan çıxıb.

"Report" "Marca"ya istinadən xəbər verir ki, 40 yaşlı keçmiş müdafiəçi 1 milyon avronu toplaya bilib və onu girov kimi ödəyib.

Martın 20-də Barselona məhkəməsi Alvesin girov müqabilində azadlığa buraxılmasına qərar verib.

Qeyd edək ki, o, 2023-cü il yanvarın 20-də gecə klubunda bir qadına təcavüz etməkdə ittiham olunaraq 4,5 il həbs cəzasına məhkum edilmişdi.