"DAK 1904" klubunun futbolçusu: Sabah "Zirə"nin müdafiəsindəki boşluqları tapacağıq

İnanıram ki, sabah "Zirə"nin müdafiəsindəki boşluqları tapacağıq.

"Report" xəbər verir ki, bunu "DAK 1904”ün (Slovakiya) futbolçusu Kristian Qerç UEFA Konfrans Liqasının II təsnifat mərhələsində qarşılaşacaqları "Zirə"ylə oyun öncəsi mətbuat konfransında deyib.

Slovakiyalı futbolçu ilk matçda qalib gəlmək istədiklərini bildirib:

Komandamızda yüksək ab-hava hökm sürür. Bizi sabah "Zirə" ilə çətin oyun gözləyir. Lakin klubumuz yüksək səviyyəli futbolçulardan təşkil olunub. Ötən mövsüm yaxşı nəticələr göstərdik. Rəqibimiz müdafiədə yaxşı çıxış edir. İnanıram ki, sabah "Zirə"nin müdafiəsindəki boşluqları tapacağıq".