Daha iki klubumuzda koronavirus testinin nəticəsi məlum oldu

Azərbaycanın daha 2 futbol klubunda COVİD-19 testi aparılıb. 

"Report"un məlumatına görə, “Keşlə” və "Səbail"in futbolçu, məşqçi və inzibati heyəti koronavirus testindən keçib.

Klubların təlim-məşq bazasında baş tutan yoxlamanın nəticələrinə əsasən bu kollektivlərin heç bir üzvündə infeksiya aşkarlanmayıb.Qeyd edək ki, daha əvvəl "Qarabağ", "Neftçi". "Zirə" və "Sabah" klublarında da koronavirus testi aparılıb.