Daha bir ölkədə çempionatın bərpa tarixi məlum oldu

Futbol üzrə Danimarka Super Liqasının bərpa tarixi açıqlanıb.

"Report"un yerli assosiasiyanın rəsmi saytına istinadən məlumatına görə, çempionat mayın 28-də qaldığı yerdən davam edəcək.

Liqa XXI turdan təxirə salınmış "Orxus" - "Ranners" oyunu ilə start götürəcək. XXV turun qarşılaşmaları 29 may - 2 iyun tarixlərində keçiriləcək.

Superliqaya iyulun 26-da yekun vurulacaq. 3 gün sonra isə UEFA Avropa Liqasına vəsiqə uğrunda görüş baş tutacaq.

Qeyd edək ki, Danimarka Super Liqasına 24 turdan sonra 62 xalla "Midtyulland" başçılıq edir.