​Çempionlar Liqasının qrup mərhələsinin ən yaxşıları açıqlanıb - SİYAHI

​Çempionlar Liqasının qrup mərhələsinin ən yaxşıları açıqlanıb - SİYAHI Ən yaxşı komanda adına İspaniyanın "Real Madrid" klubu layiq görülüb
Futbol
1338
24 Dekabr , 2014 10:08
​Çempionlar Liqasının qrup mərhələsinin ən yaxşıları açıqlanıb - SİYAHI

Bakı. 24 dekabr. REPORT.AZ/ Futbol üzrə Çempionlar Liqasının qrup mərhələsinin ən yaxşıları açıqlanıb. "Report"un "Sports.ru"-ya istinadən verdiyi məlumata görə, ən yaxşı komanda adına İspaniyanın "Real Madrid" klubu layiq görülüb.

Ən yaxşı futbolçu adını isə Ukrayna "Şaxtyor"unun (Donetsk) hücumçusu Luis Adriano qazanıb. Braziliyalı futbolçu qrup mərhələsində 9 dəfə fərqlənib ki,toplardan beşini BATE-nin (Belarus) qapısından keçirib. Bununla da Adriano İspaniyanın "Barselona" klubunda top qovan argentinalı futbolçu Lionel Messinin rekordunu təkrarlayıb.

Beləliklə, Çempionlar Liqasının qrup mərhələsinin ən yaxşıları:

Ən yaxşı futbolçu: Luis Adriano - "Şaxtyor" (Ukrayna)

Yeni istedad: Brel Embolo - "Bazel" (İsveçrə)

Ulduz veteran: Françesko Totti - "Roma" (İtaliya)

Ən yaxşı komanda: "Real Madrid" (İspaniya)

Ən yaxşı oyun: "Mançester Siti" (İngiltərə) - "Bavariya" (Almaniya) 3:2

Qayıdış: "Arsenal" (İngiltərə) - "Anderlext" (Belçika) 3:3. Bu görüşdə "topçular" qonaqların qapısından 3 top keçirsə də, Belçika təmsilçisi son 30 dəqiqədə hesaba tarazlıq gətirməyi bacarıb.

Son xəbərlər

Orphus sistemi