"Çelsi" Çempionlar Liqasının ikiqat qalibi oldu - YENİLƏNİB-2

UEFA Çempionlar Liqasında 2020/2021 mövsümünün qalibi müəyyənləşib.

"Report"un məlumatına görə, İngiltərənin "Çelsi" komandası tarixində ikinci dəfə Avropanın ən nüfuzlu klub turnirinin baş mükafatına yiyələnib.

"Zadəganlar" finalda "Mançester Siti" üzərində 1:0 hesablı qələbə qazanıb. Yeganə qolu 42-ci dəqiqədə Kay Haverts vurub.

Beləliklə, "Mançester Siti" tarixində ilk dəfə Çempionlar Liqasını əldə etmə şansını qaçırıb. "Çelsi" isə 9 ildən sonra yenidən Çempionlar Liqasının qalibi olub. London təmsilçisi həmçinin 2019-cu ildə Bakıda Avropa Liqasını qazanıb.

Komandalar oyunu itkilərlə başa vurublar. "Çelsi"dən braziliyalı müdafiəçi Tyaqo Silva 37-ci, "Mançester Siti"dən isə belçikalı yarımmüdafiəçi Kevin De Brüyne zədələnərək, əvəzlənməli olub.

İngiltərənin "Çelsi" və "Mançester Siti" komandaları arasında keçirilən UEFA Çempionlar Liqasının final oyununda ilk yarı başa çatıb.

"Report"un məlumatına görə, 42-ci dəqiqədə Kay Havert hesabı açaraq, "Çelsi"ni önə çıxarıb - 1:0. Komandalar fasiləyə bu hesabla yollanıblar.

UEFA Çempionlar Liqasında İngiltərənin "Çelsi" və "Mançester Siti" komandaları arasındakı final oyunu start götürüb.

"Report"un məlumatına görə, qarşılaşma Portuqaliyanın Portu şəhərindəki "Draqau" stadionunda keçirilir.