Çempionlar Liqasında 8000-ci qol vurulub

Bakı. 4 oktyabr. REPORT.AZ/ Futbol üzrə Çempionlar Liqasında 8000-ci qol vurulub.

"Report"un məlumatına görə, yubiley qolu İspaniyanın paytaxtı Madriddə "Atletiko" ilə Belçika "Brügge"si arasında keçirilmiş A qrupunun II tur matçına təsadüf edib. Meydan sahiblərinin hücumçusu Antuan Qrizmannın 67-ci dəqiqədə vurduğu ikinci top tarixə düşüb. Görüş isə "Atletiko"nun 3:1 hesablı qələbəsi ilə yekunlaşıb.

Qeyd edək ki, 2018-2019 mövsümündə Çempionlar Liqasının qrup mərhələsinin startınadək qapılara 7912 qol vurulmuşdu. Tarixdə ilk qolu isə məhz "Brügge"nin hücumçusu Daniel Amokaçi 25 noyabr 1992-ci ildə Rusiya MOİK-inin qapısından keçirib.