Çempionlar Liqası: Mahir Emreli start heyətində

Azərbaycan millisinin futbolçusu Mahir Emreli Polşa "Legiya"sında növbəti rəsmi matçını bu gün keçirəcək.

"Report"un məlumatına görə, 24 yaşlı hücumçu Varşava təmsilçisinin heyətində Estoniya "Flora"sına qarşı UEFA Çempionlar Liqasının II təsnifat mərhələsinin ilk oyununda meydana çıxacaq. O, start "11-liy"ində yer alıb.

Qeyd edək ki, görüş Bakı vaxtı ilə saat 23:00-da başlanacaq.