“Çelsi”nin futbolçusu karyerasını “Milan”da davam etdirəcək

“Çelsi”nin yarımmüdafiəçisi Ruben Loftus-Çik karyerasını “Milan”da davam etdirəcək.

“Report” xəbər verir ki, bu barədə məşhur insayder Fabritsio Romano tviter səhifəsində məlumat yayıb.

Mənbənin məlumatına görə, İtaliya klubu futbolçu üçün 16 milyon avro ödəyəcək. Daha 4 milyon avro bonus olaraq “Çelsi”nin hesabına köçürülə bilər.

Ötən mövsüm Loftus-Çik London klubunun heyətində 33 dəfə meydana çıxıb və iki dəfə məhsuldar ötürmə edib. Futbolçunun müqaviləsi 2024-cü ilin yayına kimidir.

“Transfermarkt”a görə oyunçunun bazar dəyəri 25 milyon avrodur. 27 yaşlı futbolçu 2015-ci ilin yanvarında “Çelsi”yə keçib.