"Çelsi"nin futbolçuları maaşla bağlı rəhbərliklə razılaşmadı

İngiltərənin "Çelsi" klubunun futbolçuları maaşlarının 30 faiz azaldılması barədə rəhbərliyin təklifini rədd ediblər. 

"Report" "The Telegraph" nəşrinə istinadən xəbər verir ki, oyunçular məvaciblərinin azaldılmasına 10 faizdən çox güzəşt etmək istəmirlər. 

Daha öncə "Arsenal"ın futbolçuları maaşlarının 12,5 faizinin azaldılmasına razılaşıblar. 

Qeyd edək ki, İngiltərə Premyer Liqası ən azı aprelin 30-dək təxirə salınıb. Çempionatda 38 turdan 29-u oynanılıb.