Bu gün "Qızıl top"un sahibi açıqlanacaq

Bu gün "Qızıl top"un sahibi açıqlanacaq Ronaldu tədbirə qatılmayacaq
Futbol
129
12 Dekabr , 2016 14:29
Bu gün Qızıl topun sahibi açıqlanacaq

Bakı. 12 dekabr. REPORT.AZ/ Bu gün "Qızıl top" mükafatının sahibi müəyyənləşəcək. 

"Report"un məlumatına görə, mükafat bu gün Bakı vaxtı ilə saat 23:00-da başlayacaq tədbirdə sahibinə çatacaq.

Fransanın "France Football" nəşrinin keçirdiyi sorğuda qalib adına ən real namizəd Portuqaliya yığmasının və İspaniya "Real Madrid"inin futbolçusu Kriştianu Ronaldudur. Lakin 31 yaşlı hücumçunun tədbirə qatılmayacağı gözlənilir. Səbəb Madrid klubunun klublararası dünya çempionatında çıxış etməsidir.

Əvvəlki illərdə "Qızıl top" və FİFA-nın təsis etdiyi ilin futbolçusu nominasiyası birləşdirilsə də, bu il hər mükafat ayrılıqda öz sahibini tapacaq.

Qeyd edək ki, "Qızıl top"un sahibi 173 jurnalistin səsverməsi nəticəsində müəyyənləşir.

Son xəbərlər

Orphus sistemi