Braziliya millisinin 40 yaşlı sabiq futbolçusu Fransa klubu ilə müqavilə müddətini uzadıb

Fransanın "Nitsa" klubu Braziliya millisinin sabiq futbolçusu Dante ilə başa çatan müqavilə müddətini uzadıb.

"Report" klubun rəsmi saytına istinadən xəbər verir ki, 40 yaşlı oyunçu daha bir mövsüm Fransa Liqa 1-də çıxış edəcək.

Qeyd edək ki, 2016-cı ildən "Nitsa"da forma geyinən Dante daha əvvəl "Volfsburq", "Bavariya" və "Borussiya" (Münhenqladbax) kimi klubların şərəfini qoruyub.