"Borussiya"nın yeni baş məşqçisi müəyyənləşdi

Almaniyanın "Borussiya" (Dortmund) komandasına 2021/2022 mövsümündən etibarən hazırda Mönhenqladbax "Borussiya"sının baş məşqçisi olan Marko Roze rəhbərlik edəcək.

"Report" klubun rəsmi saytına istinadən xəbər verir ki, 43 yaşlı mütəxəssis bununla bağlı rəhbərliyi məlumatlandırıb.

Artıq Bundesliqa təmsilçiləri arasında ilkin razılıq əldə olunub.

Qeyd edək ki, Dortmund "Borussiya"sında Lüsyen Favrın istefaya göndərilməsindən sonra baş məşqçi vəzifəsi müvəqqəti olaraq onun köməkçisi Edin Terziçə tapşırılıb.