Blatter koronavirusa yoluxduğunu açıqlayıb

FIFA-nın sabiq prezidenti Yozef Blatter noyabrda koronavirus xəstəliyi keçirib.

"Report"un məlumatına görə, bu barədə isveçrəli funksioner "The Athletic" nəşrinə açıqlamasında deyib.

O, 2 həftə xəstəxanada qaldığını və artıq tam olaraq sağaldığını bildirib: "Heç bir simptom yoxdur. Bu, 3 həftə öncə baş verib. Xəstələndim, daha sonra qızdırmam oldu. Cəmi bir gecə özümü pis hiss etdim. Şəxsi həkimim məni müayinə etdikdən sonra dərhal xəstəxanaya göndərdi. Test götürdülər və nəticənin müsbət olduğunu bildirdilər. İndi isə özümü yaxşı hiss edirəm".

Qeyd edək ki, Yozef Blatter 1998 - 2015-ci illərdə FIFA-ya rəhbərlik edib.