Biləsuvarda kəndlərdə futbolun inkişafına dəstək məqsədilə görüş keçirilib

Biləsuvar rayonunda AFFA-nın təşəbbüsü ilə kəndlərdə futbolun inkişafına dəstək məqsədilə görüş keçirilib.

"Report"un Muğan bürosunun məlumatına görə, görüşdə rayon icra hakimiyyətinin rəhbərliyi, AFFA-nın İcraiyyə Komitəsinin üzvləri, Milli Məclisin deputatları, Biləsuvar Təhsil sektorunun nümayəndələri, məktəb direktorları, fiziki-tərbiyə müəllimləri və məktəblilər iştirak ediblər.

Görüş zamanı kəndlərdə futbolun inkişafına göstərilən diqqətdən söhbət açılıb, kənd məktəblərində təhsil alan 50 məktəbliyə dəst idman forması və futbol topları hədiyyə edilib.

Görüşə komandaların simulyativ oyunu ilə yekun vurulub.