"Beşiktaş" Sergen Yalçınla razılığa gəldi

Türkiyə "Beşiktaş"ının baş məşqçisi Sergen Yalçının komandadakı gələcəyinə aydınlıq gəlib.

"Report" "TRT Spor"a istinadən xəbər verir ki, bu gün klubun prezidenti Ahmet Nur Çebi ilə görüşən 49 yaşlı mütəxəssis İstanbul təmsilçisi ilə yeni müqavilə şərtlərində anlaşıb.

Sözləşmənin müddəti və digər detalları yaxın vaxtlarda açıqlanacaq.

Qeyd edək ki, "Beşiktaş" 2020/2021 mövsümündə Sergen Yalçının rəhbərliyi ilə Superliqanı və ölkə kubokunu qazanıb.