"Beşiktaş" fransalı baş məşqçi ilə danışıqlara başladığını açıqlayıb

Türkiyənin "Beşiktaş" klubu fransalı baş məşqçi Valeryen İsmaellə danışıqlara başlayıb.

"Report" İstanbul təmsilçisinin rəsmi saytına istinadən xəbər verir ki, "qara-qartallar" bu barədə İctimaiyyəti Məlumatlandırma Platformasına müraciət edib.

Anlaşmaya əsasən, 47 yaşlı mütəxəssislə 1+1 illik müqavilə imzalanacaq. Hazırda komandaya rəhbərlik edən Önder Karaveli məşqçilər korpusunda yer alacaq.