"Bavariya"nın futbolçusu "Real Madrid"ə keçməyə çox yaxındır

Almaniyanın "Bavariya" klubunun futbolçusu David Alaba karyerasını İspaniyada davam etdirə bilər.

"Report" "Marca"ya istinadən xəbər verir ki, 28 yaşlı cinah müdafiəçisi "Real Madrid"ə keçməyə çox yaxındır.

Daha əvvəl avstriyalı oyunçu ilə İspaniyanın "Barselona", İngiltərənin "Çelsi" və Fransa PSJ klubu da danışıqlar aparıb.

Qeyd edək ki, David Alabanın "Bavariya" ilə müqaviləsi 2021-ci ilin yayında başa çatacaq. O, Münhen təmsilçisi ilə yollarını ayırmağa qərar verib.