"Bavariya" dünyanın ən yaxşı futbolçusunu transferə çıxarır

Futbol

19 yanvar, 2022
17:37

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Almaniya "Bavariya"sı cari mövsümün sonunda futbolçusu Robert Levandovski ilə yollarını ayırmağı planlaşdırır.

"Report" "Bild" nəşrinə istinadən xəbər verir ki, polşalı hücumçu Münhen klubu ilə müqavilə müddətini uzatmaqdan imtina edəcəyi halda, transferə çıxarılacaq.

34 yaşlı forvardın son ölkə çempionu ilə 2023-cü ilin yayınadək sözləşməsi var. Onu heyətinə qatmağa əsas namizəd isə Dortmund "Borussiya"sıdır. Klub bu ilin yayında İspaniya "Real Madrid"inə keçəcəyi gözlənilən Erlinq Holannın boşluğunu məhz Levandovski ilə doldurmaq niyyətindədir.

Qeyd edək ki, 2014-cü ildən "Bavariya"da çıxış edən Robert Levandovski FIFA-nın versiyasına əsasən, ardıcıl 2-ci dəfə dünyanın ən yaxşı futbolçusu seçilib.