"Barselona"nın sabiq futbolçusu vəfat etdi

İspaniyanın "Barselona" klubunun sabiq futbolçusu Mati Verhes dünyasını dəyişib.

"Report" Kataloniya təmsilçisinin rəsmi tvitter səhifəsinə istinadən xəbər verir ki, keçmiş yarımmüdafiəçi 87 yaşında vəfat edib.

Qeyd edək ki, Mati Verhes 285 matçda "Barselona"nın formasını geyinib. O, 1958/1959, 1959/1960 mövsümlərində İspaniya çempionatının, 1956/1957, 1958/1959, 1962/1963 mövsümlərində ölkə kubokunun qalibi olub. Verhes həmçinin üç dəfə indiki Avropa Liqasının (1955/1958, 1958/1960, 1965/1966) qazanıb.