Bakı. 26 yanvar. REPORT.AZ/ Argentina milli komandasının sabiq futbolçusu Xuan Roman Rikelme karyerasını başa vurub. "Report"un məlumatına görə, 36 yaşlı yarımmüdafiəçinin son klubu Buenos-Ayresi təmsil edən "Arxentinos Xuniors" olub.
O, karyerası ərzində yerli "Boka Xuniors", eləcə də İspaniyanın "Vilyarreal" və "Barselona" klublarında da çıxış edib. Rikelme Argentinanın "Boka Xuniors"un heyətində 5 dəfə ölkə çempionu və 3 dəfə Libertadores Kubokunun qalibi olub. Rikelme 2000, 2001, 2008 və 2011-ci ildə Argentinada ilin ən yaxşı futbolçusu seçilib.
Qeyd edək ki, Xuan Roman Rikelme Argentina milli komandasında 51 oyuna 17 qol vurub.