"Barselona"nın aparıcı futbolçusu İngiltərə klubuna keçə bilər

İspaniyanın "Barselona" klubunun yarımmüdafiəçisi Frenki de Yonq İngiltərə təmsilçisi "Mançester Yunayted"ə keçə bilər.

"Report" "Daily Mail"ə istinadən xəbər verir ki, Mançester təmsilçisinin 50 milyon avroluq ilk təklifi geri çevrilsə də, klub ikinci dəfə buna cəhd göstərib.

"Barselona"nın yeni transferi Dani Olmonun La Liqada oynaması üçün qeydiyyatında problem yarandığı məlum olub. Maliyyə feyr-pleyi qaydalarına görə, 55 milyon avroya transfer olunan 27 yaşlı yarımmüdafiəçinin İspaniya çempionatında meydana çıxması üçün "Barselona" ən azı 60 milyon avro dəyərində oyunçu satmalıdır.

Qeyd edək ki, İspaniya çempionatı avqustun 15-də start götürəcək.